ସ୍ବାମୀର ମୃତ୍ୟୁ ପାଇଁ ସ୍ତ୍ରୀକୁ ଦାୟୀ କରି ନିସ୍ତୁକ ମାଡ଼

 ସମ୍ବଲପୁର ବାମରା ବ୍ଲକ ଅନ୍ତର୍ଗତ କହପାଣି ଗାଁର ଜଣେ ବ୍ୟକ୍ତିଙ୍କ ସନ୍ଦେହଜନକ ମୃତ୍ୟୁ ଘଟଣାରେ ଅନୈତିକ ପ୍ରେମ ଅଭିଯୋଗ ଆଣି ମୃତକଙ୍କ ସ୍ତ୍ରୀଙ୍କୁ ଗ୍ରାମବାସୀ ନିସ୍ତୁକ ପିଟିଛନ୍ତି। ଯାହାର ଭିଡ଼ିଓ ଭାଇରାଲ ହୋଇଛି। ଗତ ୨୮ ତାରିଖରେ କହପାଣି ଗ୍ରାମର ଅଶୋକ ବୁଡ଼ ନାମକ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଥିଲା। ଏନେଇ ପୋଲିସ ଏକ ଅପ୍ ମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିବା ବେଳେ ତାଙ୍କ ସ୍ତ୍ରୀଙ୍କ ଅନୈତିକ ପ୍ରେମ ସମ୍ପର୍କ ଥିବା ଯୋଗୁଁ ଏହି ଘଟଣା ଘଟିଥିବା କେତେକ ଗ୍ରାମବାସୀ ଅଭିଯୋଗ ଆଣିଥିଲେ। ଗ୍ରାମର କିଛି ଉତ୍ୟକ୍ତ ମହିଳା ମୃତ ଅଶୋକଙ୍କ ସ୍ତ୍ରୀଙ୍କୁ ନିସ୍ତୁକ ପିଟିଥିଲେ। ଠେଙ୍ଗା ଓ ଗୋଇଠା ବିଧା ମାରିଥିଲେ। ସୂଚନା ପାଇ ଗୋବିନ୍ଦପୁର ପୋଲିସ ପହଞ୍ଚି ମହିଳାଙ୍କୁ ଉଦ୍ଧାର କରିଥିଲା।