ନନ୍ଦନକାନନ ପ୍ରାଣୀ ଉଦ୍ୟାନ ପାଇଁ ଦୁଃଖଦ ଖବର । ପ୍ରାଣୀ ଉଦ୍ୟାନର ଲାଳନପାଳନ କେନ୍ଦ୍ରରେ ରହୁଥିବା ଏକ ଅଣ୍ଡିରା ବାଘ ଛୁଆର ମୃତ୍ୟୁ ଘଟିଛି ।ବାଘୁଣୀ ଜୟଶ୍ରୀର ପ୍ରଥମ ଗର୍ଭରୁ ଜନ୍ମ ନେଇଥିବା ସାଧାରଣ ନାଲି ରଙ୍ଗର ଅଣ୍ଡିରା ଶାବକଟି ୯ମାସ ବୟସରେ ଆଖିବୁଜିଛି । ପ୍ରକାଶ ଯେ, ୨୦୨୫ ଡିସେମ୍ବର ୨୭ରେ ବାଘ ‘ଅମିତ’ ଓ ବାଘୁଣୀ ‘ଜୟଶ୍ରୀ’ର ମିଳନରେ ୩ଟି ଶାବକ ଜନ୍ମ ହୋଇଥିଲେ । ସେଥିମଧ୍ୟରୁ ୨ଟି ଶାବକର ମୃତ୍ୟୁ ହୋଇଥିଲା । ବଞ୍ଚିଥିବା ଶାବକକୁ ଜୟଶ୍ରୀ ଗ୍ରହଣ କରିନଥିଲା । ତେଣୁ କର୍ତ୍ତୃପକ୍ଷ ମା’ଠାରୁ ଛୁଆକୁ ଅଲଗା କରି ଲାଳନପାଳନ କେନ୍ଦ୍ରରେ ରଖିଥିଲେ । ଗତ ୧୪ ତାରିଖ ରାତିରେ ଛୁଆଟି ହଠାତ ଅସୁସ୍ଥ ହେବା ସହିତ ଖାଇବା କମାଇ ଦେଇଥିଲା । ଦୁର୍ବଳ ହେବା ସହିତ ତା’ ଶରୀରର ତାପମାତ୍ରା ବୃଦ୍ଧି ପାଇଥିଲା । ପ୍ରାଣୀ ଚିକିତ୍ସକମାନେ ତାର ସ୍ୱାସ୍ଥ୍ୟ ପରୀକ୍ଷା କରିବା ସହିତ ବିଭିନ୍ନ ନମୁନା ସଂଗ୍ରହ କରି ପରୀକ୍ଷା କରିଥିଲେ । ତାକୁ ଆଣ୍ଟିବାୟୋଟିକ୍, ଭିଟାମିନ ସହିତ ସାଲାଇନ ଦିଆଯାଇ ଚିକିତ୍ସା ଜାରି ରହିଥିଲା । ହେଲେ ବାଘ ଛୁଆଟିର ସ୍ୱାସ୍ଥ୍ୟାବସ୍ଥାରେ କୌଣସି ସୁଧାର ଆସିନଥିଲା । ହେଲେ ତା’ର ମୃତ୍ୟୁ ହୋଇଯାଇଛି ।
ନନ୍ଦନକାନନରେ ବାଘ ଛୁଆର ମୃତ୍ୟୁ, ବାଘ ସଂଖ୍ୟା ୨୬କୁ ଖସିଲା
