ଶୁଭେନ୍ଦୁ ଅଧିକାରୀ ହେବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ହେବେ ଶୁଭେନ୍ଦୁ ଅଧିକାରୀ । ବିଜେପି ବିଧାୟକ ଦଳ ବୈଠକରେ ନିଆଯାଇଛି ନିଷ୍ପତ୍ତି । ଶୁଭେନ୍ଦୁ ଅଧିକାରୀଙ୍କ ନାଁରେ ସମସ୍ତ ବିଧାୟକ ସହମତି ପ୍ରଦାନ କରିଛନ୍ତି ।ଶନିବାର ପୂର୍ବାହ୍ନ ୧୧ଟାରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ ଶୁଭେନ୍ଦୁ। କୋଲକାତାର ବ୍ରିଗେଡ୍‌ ପରେଡ୍‌ ମଇଦାନରେ ଶପଥ ଗ୍ରହଣ ସମାରୋହ ଆୟୋଜନ କରାଯିବ। ରାଜ୍ୟରେ ଦୁଇ ଜଣ ଡେପୁଟୀ ସିଏମ୍ ମଧ୍ୟ କରାଯାଇ ପାରେ। ଏଥିରେ ଗୋଟିଏ ନାଁ ରୂପା ଗାଙ୍ଗୁଲୀଙ୍କର ହୋଇପାରେ। ହେଲେ ଆଉ ଦୁଇ ମହିଳା ମଧ୍ୟ ଏହି ଦୌଡ଼ରେ ଅଛନ୍ତି। ଜଣେ ଅଗ୍ନିମିତ୍ରା ପାଲ୍ ଓ ଅନ୍ୟଜଣେ ଲକେଟ୍ ଚାଟାର୍ଜୀ । ଏହି ତିନି ଜଣଙ୍କ ମଧ୍ୟରେ ସବୁଠୁ ଆଗରେ ନାଁ ରୂପା ଗାଙ୍ଗୁଲୀଙ୍କର ହିଁ ଆସୁଛି। ଅନ୍ୟପଟେ ଆଉ ଜଣେ ଡେପୁଟୀ ସିଏମ୍ ଶଙ୍କର ଘୋଷ ହୋଇ ପାରନ୍ତି , ଯିଏକି ସିଲିଗୁଡ଼ିରୁ ଜିତିଛନ୍ତି।