ଦୁଷ୍କର୍ମ ପୀଡ଼ିତାଙ୍କ ଗର୍ଭନଷ୍ଟ ନେଇ ସୁପ୍ରିମକୋର୍ଟଙ୍କ ଗୁରୁତ୍ଵପୂର୍ଣ୍ଣ ରାୟ

ଦୁଷ୍କର୍ମ ପୀଡ଼ିତାଙ୍କ ଗର୍ଭନଷ୍ଟ ସମୟସୀମା ବଢାଯାଉ। କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ନିର୍ଦ୍ଦଶ। ମେଡିକାଲ ଟର୍ମିନେସନ ଅଫ୍ ପ୍ରେଗନେନ୍ସି ଆଇନରେ ସଂଶୋଧନ କରିବା ଲାଗି ସୁପ୍ରିମକୋର୍ଟ ଗୁରୁବାର କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଜଣେ ୧୫ ବର୍ଷୀୟା ନାବାଳିକା ଦୁଷ୍କର୍ମ ପୀଡ଼ିତାଙ୍କ ୩୦ ସପ୍ତାହର ଗର୍ଭପାତ ନିଷ୍ପତ୍ତିକୁ ଚ୍ୟାଲେଞ୍ଜ କରି ହୋଇଥିବା ଏକ ପିଟିସନ ଉପରେ ଶୁଣାଣି କରିବାକୁ ସୁପ୍ରିମକୋର୍ଟ ମନା କରିଛନ୍ତି। ଏପରି ମାମଲାରେ ଗର୍ଭପାତର ସମୟ ସୀମା ସହ ଜଡ଼ିତ ଆଇନରେ ପରିବର୍ତ୍ତନ କରିବା ଜରୁରି। ଦୁଷ୍କର୍ମ ପୀଡ଼ିତାଙ୍କୁ ୨୦ ସପ୍ତାହରୁ ଅଧିକ ସମୟ ପରେ ବି ଗର୍ଭପାତ କରାଯିବାକୁ ଅନୁମତି ଦେବା ଉପରେ ବିଚାର କରାଯାଉ ବୋଲି ପ୍ରଧାନ ବିଚାରପତି ସୂର୍ଯ୍ୟକାନ୍ତ ଏବଂ ଜଷ୍ଟିସ୍ ଜୟମାଲ୍ୟ ବାଗଚିଙ୍କ ଖଣ୍ଡପୀଠ କେନ୍ଦ୍ର ସରକାରଙ୍କୁ କହିଛନ୍ତି।ସିଜେଆଇ କହିଛନ୍ତି ଯେ, ଆଇନ ଏପରି ହେବ ଜରୁରୀ ଯାହା ସମୟ ସହ ବଦଳିପାରୁଥିବ ଏବଂ ସମ୍ପ୍ରତି ସମୟ ଅନୁସାରେ ଚାଲୁଥିବ। ନାବାଳିକାଙ୍କୁ ଜବରଦସ୍ତି ମା ହେବା ପାଇଁ ବାଧ୍ୟ କରାଯାଇପାରିବ ନାହିଁ। ଏପରି ମାମଲାରେ ନିଷ୍ପତ୍ତି ପୀଡ଼ିତାଙ୍କର ହିଁ ହେବା ଦରକାର। ଯଦି ତାଙ୍କୁ ଗର୍ଭପାତ ଲାଗି ଅନୁମତି ଦିଆନଯାଏ ତେବେ ସେ ଜୀବନସାରା ମାନସିକ ଯନ୍ତ୍ରଣାରେ ରହିବେ। ଯଦି ଗର୍ଭପାତ ଦ୍ଵାରା ମାକୁ ସ୍ଥାୟୀ ଭାବେ କୌଣସି କ୍ଷତି ନହୁଏ ତେବେ ଗର୍ଭପାତ କରାଯିବା ଉଚିତ୍। ଯେଉଁ ବୟସରେ ପିଲାକୁ ଭବିଷ୍ୟତର ସ୍ଵପ୍ନ ଦେଖି ପୂରଣ କରିବା କଥା ସେହି ବୟସରେ ତାକୁ ମାତୃତ୍ଵ ବୋଝ ଉଠାଇବାକୁ ବାଧ୍ୟ କରାଯାଇପାରିବ ନାହିଁ। ବଢୁଥିବା ସାଇବର ଅପରାଧ ଏବଂ ବ୍ୟକ୍ତିଗତ ତଥ୍ୟ ଚୋରିକୁ ଦୃଷ୍ଟିରେ ରଖି ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣ ଆଧାର କାର୍ଡର ସ୍ୱରୂପରେ ଏକ ବଡ଼ ପରିବର୍ତ୍ତନ କରିବାକୁ ଯାଉଛି।ଆଗାମୀ ଦିନରେ  ଫିଜିକାଲ୍ ଆଧାର କାର୍ଡରେ ସମସ୍ତ ବିବରଣୀ ଲେଖା ହୋଇ ରହିବ ନାହିଁ । ବର୍ତ୍ତମାନର ଆଧାର କାର୍ଡରେ ନାଁ, ଜନ୍ମ ତାରିଖ, ଲିଙ୍ଗ, ଘରର ଠିକଣା ଏବଂ ପିତାଙ୍କ ନାମ ଭଳି ସମସ୍ତ ଗୁରୁତ୍ୱପୂର୍ଣ୍ଣ ତଥ୍ୟ ଛପା ଯାଉଛି । କିନ୍ତୁ ନୂଆ ନିୟମ ଅନୁଯାୟୀ, କାର୍ଡ ଉପରେ କେବଳ ବ୍ୟକ୍ତିଙ୍କ ଫଟୋ ଏବଂ ଏକ ‘କ୍ୱିକ୍ ରେସପନ୍ସ କୋଡ୍’ ବା କ୍ୟୁଆର୍ କୋଡ୍ ରହିବ।