ଦିନକୁ ଦିନ ବଢୁଥିଲା ପ୍ରେମିକର ଯନ୍ତ୍ରଣା। ଅଶ୍ଳୀଳ ମେସେଜ୍, ତା ସାଙ୍ଗକୁ ଧମକ। ଆଉ ସହିହେଲାନି। ଏହି ମେସେଜ୍ ସବୁ ଏତେ ଅଶ୍ଳୀଳ ଯେ ଏହାକୁ ଦେଖାଇବା ମଧ୍ୟ ଅସମ୍ଭବ। ଯୁବକଙ୍କ ନିର୍ଯାତନା ଏତେ ବଢିଗଲା ଯେ ବଞ୍ଚିବା ତୁଚ୍ଛ ହୋଇଗଲା। ଶେଷରେ ପଲଙ୍କ ବାଡାରେ ଓଢଣୀ ଲଗାଇ ପ୍ରେମିକା ଶେଷ କରିଦେଲା ଜୀବନ। ଏଭଳି ଏକ ହୃଦୟବିଦାରକ ଘଟଣା ଭଦ୍ରକ ଜିଲ୍ଲା ବନ୍ତ ବ୍ଲକ୍ ବୋଡକ ପଞ୍ଚାୟତର ମୁଆଜିବ ଗାଁରୁ ଆସିଛି। ଏକମାତ୍ର ଝିଅ ଚାଲିଯିବା ପରେ ଦିନରାତି ଫଟୋକୁ ଧରି ଝୁରୁଛନ୍ତି ବାପା-ମାଆ । ଆଉ ନ୍ୟାୟ ପାଇଁ ଦାବି କରିଛନ୍ତି। ମୃତକଙ୍କ ପରିବାର ଲୋକେ ଆତ୍ମହତ୍ୟା ବେଳର ଭିଡିଓ ସହ ଚାଟର ଫଟୋ ସହ ଆଗରପଡ଼ା ଥାନାରେ ଲିଖିତ ଅଭିଯୋଗ କରିଛନ୍ତି । କିନ୍ତୁ କୌଣସି କାର୍ଯ୍ୟାନୁଷ୍ଠାନ ନ ହେବା ରୁ ନ୍ୟାୟ ପାଇଁ ସାମ୍ନା କୁ ଆସିଛନ୍ତି । ଏବେ କିନ୍ତୁ ପ୍ରଶାନ୍ତ ଫେରାର ଅଛି
