ସନ୍ଦୀପ ରେଡ୍ଡୀ ଭାଙ୍ଗାଙ୍କ “ସ୍ପିରିଟ୍”ରୁ ଅଭିନେତ୍ରୀ ଦୀପିକାଙ୍କୁ ବାହାର କରରାଯିବା ପରେ ଚର୍ଚ୍ଚା ହେଉଛି ଯେ ତାଙ୍କୁ ପ୍ରଭାସଙ୍କ ଅଭିନୀତ ଫିଲ୍ମ “କଲ୍କି ୨”ରୁ ମଧ୍ୟ ବାହାର କରାଯାଇପାରେ । ଏକ ରିପୋର୍ଟ ଅନୁଯାୟୀ ମାଆ ହେବା ପରେ ଦୀପିକା କମ୍ କାମ କରିବା ପାଇଁ ସମୟ ମାଗୁଛନ୍ତି ଯାହା ଫଳରେ ସେଟରେ ଉତ୍ତେଜନା ସୃଷ୍ଟି କରୁଛି । ରିପୋର୍ଟରେ କୁହାଯାଇଛି ଯେ “କଲ୍କି ୨” ର ନିର୍ମାତା ଏବେ ତାଙ୍କୁ ଫିଲ୍ମରୁ ସମ୍ପୂର୍ଣ୍ଣ ଭାବରେ ବାହାର କରିବାକୁ ବିଚାର କରୁଛନ୍ତି । ଅଭିନେତ୍ରୀ କିମ୍ବା ନିର୍ମାତାଙ୍କ ଦ୍ୱାରା ଏପର୍ଯ୍ୟନ୍ତ କୌଣସି ସରକାରୀ ବୟାନ ଦିଆଯାଇ ନାହିଁ । ତେବେ ଫିସ୍ ଉପରେ ମତଭେଦ ଏବଂ “ଅଣବୃତ୍ତିଗତ” ଆଚରଣ ଯୋଗୁଁ ଦୀପିକା ପାଦୁକୋନଙ୍କୁ ସନ୍ଦୀପ ରେଡ୍ଡୀ ଭାଙ୍ଗାଙ୍କ “ସ୍ପିରିଟ୍”ରୁ ବାହାର କରିଦିଆଯାଇଥିଲା । ତେବେ ଦୀପିକାଙ୍କ ବାହାର ଖବର ପରେ ତୃପ୍ତି ଡିମରିଙ୍କୁ ସ୍ପିରିଟ୍ ରେ ନାୟିକା ପାଇଁ ନିଶ୍ଚିତ କରାଯାଇଛି । ଏହି ଅଭିନେତ୍ରୀ ପୂର୍ବରୁ ଭାଙ୍ଗାଙ୍କ ସହିତ ଆନିମଲ୍ ରେ କାମ କରିଥିଲେ । ସେ ସୋସିଆଲ ମିଡିଆ ମାଧ୍ୟମରେ ତାଙ୍କର କାଷ୍ଟିଂ ଘୋଷଣା କରିଥିଲେ ।
