ସାଧାରଣତ ଖାଦ୍ୟ ଖାଇବା ସମୟରେ ଟିଭି ,ମୋବାଇଲରେ ନିଜର ପସନ୍ଦିଆ ସିରିଏଲ କିମ୍ବା ଚଳଚ୍ଚିତ୍ର ଦେଖିବା ଅନେକଙ୍କ ଅଭ୍ୟାସ ବହୁ ବ୍ୟକ୍ତିଙ୍କ ଥାଏ। ଘଣ୍ଟା ଘଣ୍ଟା ଧରି ବସି ବିଳମ୍ବରେ ଟିଭି ଦେଖି ଖାଦ୍ୟ ଖାଇଥାଆନ୍ତି। ମାତ୍ର ଏହି ଅଭ୍ୟାସ କାରଣରୁ ଅନେକ ଶାରୀରିକ ସମସ୍ୟା ସହ ପେଟ ଜନିତ ସମସ୍ୟା ମଧ୍ୟ ସୃଷ୍ଟି ହୋଇଥାଏ। କିଛି ଦିନ ମଧ୍ୟରେ ପିଲାମାନେ ଖାଦ୍ୟ ଖାଇବା ପାଇଁ ମୋବାଇଲ କିମ୍ବା ଟିଭି ଦେଖିବାକୁ ଜିଦି ମଧ୍ୟ କରିଥାଆନ୍ତି। ମାତ୍ର ପିଲାଙ୍କ ଠାରୁ ଆରମ୍ଭ କରି ବୟସ୍କ ପର୍ୟ୍ୟନ୍ତ ଏହି ଅଭ୍ୟାସ କାରଣରୁ ଶରୀରରେ ଅନେକ ରୋଗ ସୃଷ୍ଟି ହୋଇଥାଏ। ଏକ ଅଧ୍ୟୟନ ଅନୁଯାୟୀ, ଟିଭି କିମ୍ବା ମୋବାଇଲ ଦେଖି ଭୋଜନ କରିବା ଦ୍ୱାରା ଖାଦ୍ୟରେ ସଠିକ୍ ଭାବେ ଧ୍ୟାନ ଦେଇ ହୋଇନଥାଏ। ଅନେକ ଖାଦ୍ୟକୁ ସଠିକ୍ ପରିମାଣରେ, ଭଲ ଭାବେ ଚୋବାଇ ମଧ୍ୟ ଖାଇନଥାଆନ୍ତି। କେତେକ ସମୟରେ ଆବଶ୍ୟକତା ଠାରୁ ଅଧିକ ମଧ୍ୟ ଖାଇ ଦେଇଥାଆନ୍ତି। ଅଧିକ ଖାଇବା ମୋଟାପଣର ଏକ ମୁଖ୍ୟ କାରଣ। ଏହାସହ ଶରୀରରେ ଅନେକ ରୋଗ ମଧ୍ୟ ସୃଷ୍ଟି କରିଥାଏ।
ଟିଭି କିମ୍ବା ମୋବାଇଲ ଦେଖି ଖାଇବା ଦ୍ୱାରା ପାଚନ ଜନିତ ଅନେକ ସମସ୍ୟା ସୃଷ୍ଟି ହୋଇଥାଏ। ସଠିକ୍ ଭାବେ ଖାଦ୍ୟ ନ ଚୋବାଇବା ଦ୍ୱାରା ଖାଦ୍ୟ ଠିକ୍ ଭାବେ ହଜମ ହୋଇପାରିନଥାଏ। ଯେଉଁ କାରଣରୁ କୋଷ୍ଠକାଠିନ୍ୟ,ପେଟରେ ଯନ୍ତ୍ରଣା,ବଦହଜମି ଠାରୁ ଆରମ୍ଭ କରି ଅନେକ ମାରାତ୍ମକ ରୋଗର କାରଣ ପାଲଟିଥାଏ।ମଧୁମେହ ରୋଗୀ ଭୋଜନ କରିବା ସମୟରେ ଆଦୌ ଟିଭି କିମ୍ବା ମୋବାଇଲ ଦେଖିବା ଉଚିତ ନୁହେଁ। ଏହି ଅଭ୍ୟାସ ଫଳରେ ମେଟାବୋଲିଜିମ ଧିମା ହୋଇଯାଏ। ଖାଦ୍ୟ ସଠିକ୍ ପ୍ରଣାଳୀରେ ହଜମ ହୋଇପାରିନଥାଏ। ଏହା ମଧୁମେହ ରୋଗୀଙ୍କ ପାଇଁ କ୍ଷତିକାରକ।