ଅଶୋଧିତ ତେଲ ଉପରେ ଆମଦାନୀ ଶୁଳ୍କ ହ୍ରାସ କରିବାକୁ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଏହି ନୂଆ ନିୟମ ୩୧ ମେରୁ ସାରା ଦେଶରେ କାର୍ଯ୍ୟକାରୀ ହେବ। କେନ୍ଦ୍ର ଏ ସମ୍ପର୍କରେ ଏକ ସରକାରୀ ବିଜ୍ଞପ୍ତି ଜାରି କରିସାରିଛି। ଯାହା ଫଳରେ ଆଗାମୀ ଦିନରେ ତେଲର ମୂଲ୍ୟରେ ଯଥେଷ୍ଟ ହ୍ରାସ ହେବାର ସମ୍ଭାବନା ରହିଛି।ବର୍ତ୍ତମାନର ନିୟମ ଅନୁଯାୟୀ, ଅଶୋଧିତ ପାମ୍ ତେଲ, ଅଶୋଧିତ ସୋୟାବିନ୍ ତେଲ ଓ ଅଶୋଧିତ ସୂର୍ଯ୍ୟମୁଖୀ ତେଲ ଉପରେ ୨୦ ପ୍ରତିଶତ ଆମଦାନୀ ଟିକସ ଲାଗୁ ହେବ। ବର୍ତ୍ତମାନ, ଏହି ଟିକସକୁ ଅଧା କରି ୧୦ ପ୍ରତିଶତ କରାଯାଇଛି। ଭାରତ ତାର ରନ୍ଧନ ତେଲ ଆବଶ୍ୟକତାର ୧୦ ପ୍ରତିଶତ ପର୍ଯ୍ୟନ୍ତ ଅନ୍ୟ ଦେଶ ଉପରେ ନିର୍ଭର କରେ। ଏହାର ମୁଖ୍ୟ କାରଣ ହେଉଛି ଆମ ଦେଶରେ ତୈଳବୀଜର କମ୍ ଉତ୍ପାଦନ। ବିଦେଶରୁ ଅଶୋଧିତ ତେଲ ଉପରେ ଟିକସ ହ୍ରାସ ସ୍ଥାନୀୟ ବଜାରରେ ମୂଲ୍ୟ ହ୍ରାସ କରିବ।ଆମ ଦେଶ ମୁଖ୍ୟତଃ ଇଣ୍ଡୋନେସିଆ, ମାଲେସିଆ ଓ ଥାଇଲ୍ୟାଣ୍ଡରୁ ପାମ୍ ଓଏଲ ଆମଦାନୀ କରେ। ଆମେ ସୂର୍ଯ୍ୟମୁଖୀ ତେଲ ପାଇଁ ଆର୍ଜେଣ୍ଟିନା, ବ୍ରାଜିଲ, ରୁଷ ଓ ୟୁକ୍ରେନ ଭଳି ଦେଶ ଉପରେ ମଧ୍ୟ ନିର୍ଭର କରୁ। ଆମଦାନୀ ଶୁଳ୍କ ହ୍ରାସ ସହିତ, ଏହି ତିନି ପ୍ରକାରର ତେଲ ଉପରେ ମୋଟ ଟିକସ ବୋଝ ୨୭.୫ ପ୍ରତିଶତରୁ ୧୬.୫ ପ୍ରତିଶତକୁ ହ୍ରାସ ପାଇବ।
