ମହାରାଷ୍ଟ୍ରରେ କରୋନା ମାମଲା ବୃଦ୍ଧି ପାଇବା ସହ ମୌସୁମୀର ପ୍ରଭାବ ମଧ୍ୟ ଦେଖିବାକୁ ମିଳିଛି । ଏଭଳି ପରିସ୍ଥିତିରେ ଡେଙ୍ଗୁ ମାମଲା ମଧ୍ୟ ସାମ୍ନାକୁ ଆସିଛି । ‘ଅଭିନେତା ଇମ୍ରାନ ହାସମୀ ତାଙ୍କର ଆଗାମୀ ପ୍ୟାନ୍ ଇଣ୍ଡିଆ ଫିଲ୍ମ ‘ଓଜି’ର ସୁଟିଂ ସମୟରେ ସ୍ୱାସ୍ଥ୍ୟବସ୍ଥା ବିଗିଡିଯାଇଥିଲା । ଏହି ସମୟରେ ସେ ଡେଙ୍ଗୁ ରୋଗରେ ଆକ୍ରାନ୍ତ ହୋଇଥିବା ଜଣାପଡିଛି । ଏହି ଖବର ଆସିବା ପରେ ଫ୍ୟାନ୍ସ ତାଙ୍କ ଶୀଘ୍ର ସୁସ୍ଥତା କାମନା କରିଛନ୍ତି ।ଡାକ୍ତର ନିଶ୍ଚିତ କରିବା ପରେ, ଇମ୍ରାନ ହାସମୀ ତୁରନ୍ତ ପ୍ରଯୋଜକମାନଙ୍କୁ ଡେଙ୍ଗୁ ବିଷୟରେ ଜଣାଇଲେ ଏବଂ କହିଲେ ଯେ ସେ କିଛି ସମୟ ପାଇଁ ସେଟରେ ଉପସ୍ଥିତ ରହିପାରିବେ ନାହିଁ। ଅଧା ବାଟରେ ସୁଟିଂ ବନ୍ଦ ହୋଇଯିବାରୁ ସେ ଦୁଃଖ ପ୍ରକାଶ କରିଥିଲେ ।
ତଥାପି, ପ୍ରଯୋଜନା ଦଳ ଅଭିନେତାଙ୍କ ପରିସ୍ଥିତିକୁ ବୁଝିପାରିଥିଲେ ଏବଂ ତାଙ୍କୁ ପୂର୍ଣ୍ଣ ସମର୍ଥନ କରିଥିଲେ । ରିପୋର୍ଟ ଅନୁସାରେ, ଇମ୍ରାନ ହାସମୀ ବର୍ତ୍ତମାନ ଘରେ ବିଶ୍ରାମ ନେଉଛନ୍ତି । ଯଦି ସେ ଗୋଟିଏ ସପ୍ତାହ ମଧ୍ୟରେ ଡେଙ୍ଗୁରୁ ସୁସ୍ଥ ହୁଅନ୍ତି, ତେବେ ସେ ଫିଲ୍ମ OG ର ସୁଟିଂ ପୁଣି ଆରମ୍ଭ କରିପାରିବେ ।
